Qyzylordada aýrýhana tegin qyzmetke aqy alyp kelgen

QYZYLORDA. QazAqparat - Qyzylorda oblysy Shıeli aýdandyq prokýratýrasy aýdandyq ambýlatorııalyq aýrýhanasynda birqatar zańsyzdyqtar oryn alǵanyn anyqtady, dep habarlaıdy QazAqparat tilshisi.

Bul keleńsiz jaǵdaı emdeý ornyn tekserý barysynda belgili bolǵan. 2016-2018 jyldar aralyǵynda muǵalimder atalmysh aýrýhanada birqatar dárigerlerden aqy tóleý arqyly tekserýden ótken eken. Atap aıtqanda, ustazdar terapevt, dermatovenerolog, gınekolog sekildi medıtsına mamandaryna aqyly túrde qaralǵan.

Oblystyq prokýratýranyń baspasóz hatshysy Botagóz Seıildiń aıtýynsha, zańdylyq boıynsha ol qyzmetter tegin júrgizilýi tıis. Prokýrorlyq qadaǵalaý nátıjesinde ustazdarǵa 2,7 mln teńge kólemindegi aqsha qaıtaryldy.