Qyzylordada aýrýhana kompıýter klavıatýrasyn 4 ese qymbatqa satyp alǵan
Qyzylorda oblysy Syrdarııa aýdandyq ortalyq aýrýhanasy satyp alynatyn taýarlarǵa, jumystar men kórsetiletin qyzmetterge satyp alý baǵasyn shamadan tys kótergen. Mekeme orny keıbir taýar baǵasyn naryq baǵasynan 1,5-4 esege deıin asyryp jibergen.
Qazaqstan Respýblıkasynyń Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Qyzylorda oblysy boıynsha departamenti belsendilermen birlesip, «Memlekettik satyp alýdyń qoǵamdyq monıtorıngi» jobasy aıasynda arnaıy is-shara júrgizdi. Nátıjesinde birqatar kemshilikterdi anyqtady.
«Monıtorıng barysynda Syrdarııa aýdandyq ortalyq aýrýhana satyp alynatyn keıbir taýarlar baǵasyn naryq baǵasynan 1,5-4 esege deıin asyryp kórsetkeni belgili boldy. Atalǵan kelisimshart negizinde alynǵan taýarlardy zerdeleı kele, alynǵan taýarlardyń ishinde kózge túsetini, derbes kompıýterge qajetti pernetaqtany 52 myń teńgege satyp alǵan. Aıta ketý kerek, oblystyq densaýlyq saqtaý basqarmasy derbes kompıýterge qajetti klavıatýrany 8 482,14 teńgege satyp alyp otyr. Negizinen, derbes kompıýterge arnalǵan sapaly pernetaqtanyń naryq baǵasy shamamen 5-1 5 myń teńge turady. Atalǵan derekter boıynsha oblystyq densaýlyq saqtaý baǵany asyrǵan tulǵalardyń jaýapkershiligi qaraýǵa usynys berildi», - dep málim etti departamenti mamandary.
