Qyzylordada aýlasynda toı jasaǵan turǵyn jazalandy
QYZYLORDA. QazAqparat - Qyzylordada toı jasaǵan azamat jazaǵa tartyldy, dep habarlaıdy QazAqparat tilshisi.
Qyzylorda qalasy ákimdiginiń habarlaýynsha, qala turǵyny 22 naýryzda úıiniń aýlasynda toı ótkizgen. Oǵan qatysty ákimshilik hattama toltyryldy.
Qazirgi tańda Qyzylorda qalasynda tótenshe jaǵdaı rejımi kezindegi talaptardyń saqtalýyn qadaǵalaý maqsatynda qurylǵan jedel shtab qurylǵan. Shtab músheleri 16 naýryzdan bastap túngi reıd jumystaryn júrgizip keledi.
Oblystyq polıtsııa departamenti aımaqtaǵy 300-ge jýyq kafe men meıramhanany tekserip shyqty. Tótenshe jaǵdaı rejımine qaramastan túngi ýaqytta jumystaryn jalǵastyrǵan 6 kásipkerge tıisti sharalar qoldanyldy.
