Qyzylordada aýlasynda 10 tonna janarmaı saqtalǵan úıdegi órt aýyzdyqtaldy
QYZYLORDA. QazAqparat - Qyzylorda qalasynda órt sóndirýshiler aýlasynda birneshe tonna janarmaı saqtalǵan turǵyn úıdegi órtti aýyzdyqtady, dep habarlaıdy QazAqparat tilshisi.
Órt Qyzylorda qalasynda ornalasqan ál-Farabı kóshesi boıyndaǵy turǵyn úıde boldy.
Oqıǵa ornyna órtke qarsy qyzmetinen 13 qyzmetker 4 tehnıkamen bardy.
Órt sóndirýshiler barǵan sátte aýmaǵy 100 sharshy metrdi quraıtyn qurylys janyp jatqanyn anyqtady.
Oǵan qosa syıymdylyǵy 4 tonna bolatyn janarmaı tasymaldaǵysh tehnıka dızel otyny, qosymsha qurylys ishinde 2 tonna dızel otyny jáne 4 tonna AI-92 markaly janarmaı bar ekeni belgili boldy.
Jalynnyń kórshiles turǵyn úıge taralý múmkindigi naqtylandy.
«Órt oqshaýlanyp, tolyǵymen sóndirildi. Oqys oqıǵadan aýmaǵy sol úıdiń qurylystary (ishinde 6 tonna dızeldik otyn, 4 tonna AI-92 markaly benzın), kórshi ornalasqan úıdiń qosymsha qurylystary zaqymdalǵan. Órt kezinde sol úıde turatyn 1994 jylǵy azamattyń denesiniń 60 paıyzyn kúıik shalyp, ol oblystyq medıtsına ortalyǵynyń jan saqtaý bólimine jatqyzylǵan», - dedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Vedomstvo málimetinshe, órtti sóndirýge órtke qarsy qyzmetinen 52 qyzmetker men 11 tehnıka, arnaıy qyzmetter jumyldyryldy.
Eske salsaq, budan buryn Qyzylordada turǵyn úı túgi qalmaı órtenip ketti.
