Qyzylordada aýlada turǵan avtokólik janyp ketti
Órt oqıǵasy Qarasaqal Erimbet tuıyǵyndaǵy turǵyn úıde bolǵan. Jergilikti 112 qutqarý qyzmetine esik aldynda turǵan «Volkswagen Tuareg» avtokóliginiń órtenip jatqany jóninde habar kelip tústi.
«Oqıǵa ornynda órt sóndirý qyzmeti barlaý jumystaryn júrgizdi. Nátıjesinde janyp jatqan avtokólik órti turǵyn úıge qaýip tóndirgenin anyqtady. Mamandar dereý iske kirisip, órtti sóndirýge kirisip ketti. Órtti sóndirýge barlyǵy 5 qyzmetker, 2 tehnıka jumyldyryldy. Órt saldarynan zardap shekkender men qaza bolǵandar joq. Qazirgi ýaqytta órttiń shyǵý sebebi men shyǵyny anyqtalýda», - dep málim etti Qyzylorda oblysy tótenshe jaǵdaılar departamenti órt sóndirý jáne avarııalyq qutqarý qyzmetiniń baspasóz mamany Álııa Erejepova.
Qyzylordada avtokólik órtený jaǵdaıy jıi kezdesip otyr. Byltyr qaýipsizdik talaptary saqtalmaýy saldarynan 100-den astam kólik órtengen.
Sondaı-aq, keshe Qyzylorda oblysynda tas jolda kólik órtenip ketken bolatyn.