Qyzylordada aýdan ákimderi koronavırýsqa qarsy vaktsına saldyrdy

Syrdarııa aýdanynyń ákimi Talǵat Dúısebaev «Spýtnık V» vaktsınasyn saldyrdy.

«Aýdanda vaktsınalaý jumystary bastalǵanda reseılik ekpeniń І tıptik dozasyn saldyrdym. Óziniń tártibi boıynsha ekinshi kezeńi arada 20 kún ótkennen keıin bastalyp otyr. Osy ýaqyt aralyǵynda vaktsınanyń teris áseri bolǵan joq. Sondyqtan bul qaýipti indetke qarsy turý úshin ekpe saldyryp, densaýlyǵymyzdy nyǵaıtýymyz kerek», - dedi Talǵat Dúısebaev.

16 sáýirde Aral aýdanynyń ákimi Muhtar Orazbaev koronavırýs ınfektsııasyna qarsy vaktsına aldy.

Sondaı-aq, vaktsına saldyrǵan azamattar qatarynda aýdandyq máslıhat hatshysy Bazarbaı Tórahmetov, oblystyq máslıhattyń depýtaty Erkebulan Aıaǵanov, «Atameken» kásipkerler palatasynyń Aral aýdany boıynsha bólimshesiniń dırektory N.Embergenova jáne bilim salasynyń qyzmetkerleri bar.

Jańaqorǵan aýdanynyń ákimi Rýslan Rústemov koronavırýsqa qarsy vaktsına saldyrdy. Al aýdandyq máslıhat hatshysy Ǵalymjan Sopbekov, aýdan ákiminiń orynbasarlary Darhan Tursynbaev, Erdýlla Sultanbekov, aýdan ákimdigi apparatynyń basshysy Baqtııar Ahmetov te osy qatardan tabyldy.

Sondaı-aq, Qarmaqshy aýdanynyń ákimi Musa Qaldarbekov qaterli indetke qarsy qarsy ekpe qabyldady.

Esterińizge sala ketelik, Qyzylorda oblysynyń aýdandarynda koronavırýs juqtyrǵandar sany artty.