Qyzylordada atys qarýlary jasyrylǵan oryn anyqtaldy

QYZYLORDA. QazAqparat - Qyzylorda oblysynda dalalyq jerden túrli atys qarýlary jasyrylǵan oryn anyqtaldy, dep habarlaıdy QazAqparat tilshisi.

Atalǵan oryn QR Іshki ister mınıstrligi jáne Qyzylorda oblysy Polıtsııa departamentiniń qyzmetkerleriniń birlesken jedel is-sharasy barysynda belgili boldy.

«Polıtsııa qyzmetkerleri dalalyq jerden túrli atys qarýlary jasyrylǵan oryndy anyqtady. Ol jerden sholaq myltyq, tapansha, oqtar, ashana pyshaǵy, kaska, rezeńke taıaq (dýbınka), temir qol kiseni jáne arnaıy kıim alyndy. Bul derek boıynsha sotqa deıingi tergep-tekserý áreketi bastaldy. Tekserý jumystary júrgizilip jatyr», - dep málim etti Qyzylorda oblystyq Polıtsııa departamentinen.

Eske salsaq, Qyzylordada alaıaqtyq qylmysynyń basym bóligi ınternet arqyly jasalǵan.

Foto: Qyzylorda oblysy Polıtsııa departamenti