Qyzylordada Atyraýdan kelgen taǵy bir adamnan koronavırýs tabyldy
Qazir Qyzylorda oblysynda atalǵan dıagnoz qoıylǵan 209 adam bar. Onyń ishinde 127 naýqas syrqatynan aıyǵyp ketti.
«Aıta keterligi, sońǵy táýlikte jańadan 5 jaǵdaı naqtylandy. Onyń ekeýi - indet juqtyrǵandarmen baılanysta bolsa, bireýi - Atyraý oblysynan vahtalyq ádispen jumys istep kelgen azamat. Al, qalǵan ekeýi skrınıngtik tekserý barysynda belgili boldy. Qazirgi tańda naýqastardyń jaǵdaıy birqalypty, hattamaǵa saı em alyp jatyr», – deıdi Jaqsylyq Abdýsametov.
Sondaı-aq, koronavırýs ınfektsııasyn juqtyrǵandarmen baılanysta bolǵan 3069 azamat anyqtaldy. Onyń ishinde 1659-y - jaqyn qarym-qatynasta, 1410-y - janama baılanysta bolǵan.
Aıta keterligi, budan buryn da Qyzylordada Atyraýdan vahtalyq jumystan kelgen 3 adamnan koronavırýs ınfektsııasy anyqtalǵan bolatyn.