Qyzylordada «Atamekenniń» bastamasy nátıjesin bere bastady
QAZALY. QazAqparat - Qyzylordada «Atamekenniń» bastamasy nátıjesin bere bastady, dep habarlaıdy QazAqparat tilshisi.
Qyzylorda oblysy kásipkerler palatasynyń baspasóz qyzmetiniń habarlaýynsha, osydan biraz ýaqyt buryn «Halyq bank» AQ kásipkerlikpen aınalysqysy keletin qyz-kelinshekterge 5 paıyzdan bastap 7 jylǵa deıin jeńildetilgen nesıe beretindigin habarlanǵan. Oblysta sonyń alǵashqy nátıjesine qol jetkizildi.
Kásipkerler palatasy janyndaǵy Іsker áıelder keńesiniń tóraıymy Janna Amanova habarlandyrý berilgen bir aıdyń ishinde 15 oblystyń qyz-kelinshekteri ótinish berip, alǵashqy joba da qarjylandyrylǵanyn aıtty.
«Jaqynda oblysqa qarasty Qarmaqshy aýdany, Tóretam kentiniń kásipkeri Aınur Bermaǵanbetova «Halyq bankinen» 10 mln.teńge nesıege qol jetkizdi. Aınur 6 jyldan beri kásippen aınalysyp keledi. Balabaqshasy bar. Endi avtobýs satyp alyp, bızneste jańa baǵytty baǵyndyrmaqshy», - deıdi Іsker áıelder keńesiniń tóraıymy Janna Amanova.
«Іsker áıelder keńesiniń «Halyq bankpen» jasaǵan memorandýmynyń nátıjesinde biz sekildi kásippen aınalysatyn, aınalysqysy keletin qyz-kelinshekterge jeńildetilgen nesıe beretindigin estip, qujattarymdy ázirledim. Banktiń Baıqońyr qalasyndaǵy fılıalyna qujattarymdy ótkizdim. Qujattardy jınaqtaýǵa bir apta ýaqyt ketti. Eki aptadan keıin bankten ótinishimniń qanaǵattandyrylǵandyǵyn habarlady. Az ǵana merzimde qarjylyq qoldaýǵa ıe bolǵanyma qýanyshtymyn. Bul bastamanyń basy-qasynda júrgen Іsker áıelder keńesine aıtar alǵysym sheksiz. Bul qarjy kásibimdi ári qaraı damytýǵa múmkindik beredi degen senimdemin», - deıdi kásipker Aınur Bermaǵambetova.
Aıta ketý kerek, Astana qalasynda ótken «Atameken» UKP-nyń Sezi aıasynda respýblıkalyq Іsker áıelder keńesi áıelder kásipkerligin qarjylaı qoldaý úshin Eýrazııalyq Toppen (ERG) jáne Qazaqstan halyq bankimen memorandým jasaǵan bolatyn. Nátıjesinde Halyq bank osy jyldyń ózine qyz-kelinshekter kásipkerligin qarjylandyrýǵa 1 mlrd.teńge bóldi.
