Qyzylordada ata-anasynan adasyp qalǵan bala aman tabyldy
QYZYLORDA. QazAqparat - Qyzylorda qalasynda ata-anasynan adasyp qalǵan bes jastaǵy bala aman-esen tabyldy, dep habarlaıdy QazAqparat tilshisi.
Ol oblys ortalyǵyndaǵy «Eýrazııa» sport kesheninen shyqqan. Sol sátte janynda ata-anasy bolmaǵan. Ata-anasynyń baqylaýynsyz qalǵan bala ony kórgenderdiń aıtýynsha qoǵamdyq kóliktiń birine minip ketken. Balaǵa áleýmettik jelide izdeý jarııalandy. Polıtsııa qyzmetkerleri izdestirý sharalaryn júrgizdi.
Oblystyq polıtsııa departamentiniń baspasóz qyzmeti balanyń aman-esen tabylǵany jaıynda habar berdi.
Esterińizge sala ketelik, budan buryn Qyzylordada joǵalyp ketken 9 jasar bala aman-esen tabylǵanyn habarlaǵan edik.
