Qyzylordada áskerı júk kóligimen nysandardy qıratqan adam ustaldy
Oqıǵa 5 qańtar kúni Qyzylorda qalasynda boldy. Jappaı tártipsizdik kezinde qala turǵyny búlikshilermen birge oblys ákimdiginiń ǵımaratyna basa kóktep kirip, sol aýmaqta áskerı «KaMAZ» avtokóligin tartyp alyp ketken.
Odan keıin kólikpen qala ortalyǵynda ornalasqan jedel basqarý ortalyǵyna qarasty beınebaqylaý kamerasyn soǵyp, qıratqan. Budan soń PD Jergilikti polıtsııa qyzmeti basqarmasynyń ǵımaratynyń kire beris qorshaýyn syndyrǵan. Osyndaı jónsizdikke jol bergen ol keıinnen oqıǵa ornynan boı tasalaǵan.
«Qazirgi tańda atalǵan derek boıynsha QR Qylmystyq kodeksiniń 272-babynyń 2-bóligi jáne 202 babynyń 2-bóliginiń 1-tarmaǵymen sotqa deıingi tergep-tekserý amaldary júrgizilýde. Kúdiktige qatysty kúzetpen ustaý sharasy tańdaldy», - dep málim etti Qyzylorda oblystyq polıtsııa departamentinen.
