Qyzylordada Asqar Toqmaǵambetov atyndaǵy mádenıet úıi kúrdeli jóndeýden ótti
QYZYLORDA. QazAqparat-Asqar Toqmaǵambetov atyndaǵy mádenıet úıiniń irgetasy 1959 jyly qalanǵan. Mádenıet oshaǵyn kúrdeli jóndeýden ótkizýge 106 mıllıon teńge qarjy jumsaldy.
Bul ǵımaratta qalalyq mádenıet jáne tilderdi damytý bólimi, klýbtar jáne halyqtyq ujymdar, oblystyq fılarmonııa, 6 ulttyq-mádenı ortalyqtar ornalasqan. Qaıta jańǵyrtylǵan ǵımarattyń jumysymen tanysqan aımaq basshysy Q.Kósherbaev óner ujymdarynyń jumysyna tabys tilep, Jańa merekesimen quttyqtady, dep habarlady oblys ákimdiginiń baspasóz qyzmetinen.
Ǵımarattyń syrty «travertın» ák tárizdi qurylys zatymen qaptalyp, ulttyq naqyshta bezendirilgen. Kórermen zalynyń oryndyqtary aýystyrylyp, úıirmelerge arnalǵan bólmeler jańartylǵan. Jalpy, óner ıeleriniń shyǵarmashylyqpen aınalysýyna bar jaǵdaı jasalǵan.
