Qyzylordada ashylatyn shyny zaýytynda jylyna 197 myń tonna ónim óndiriledi
NUR-SULTAN. QazAqparat – Byıyl shilde aıynda Qyzylordada shyny zaýyty óz jumysyn bastaıdy. Bul týraly oblys ákiminiń orynbasary Baqyt Jahanov málim etti, dep habarlaıdy QazAqparat tilshisi.
«Shyny zaýyty boıynsha jumystar erekshe baqylaýda. Merdiger kompanııa «Chaına trıýmf» mamyr aıynda qurylys-montaj jumystaryn aıaqtaıdy. Maýsymda peshti qyzdyryp, shilde aıynan bastap zaýyt iske qosylady,- dedi B. Jahanov Parlament Senatynda.
Ákim orynbasarynyń aıtýynsha, zaýyt jylyna 197 myń tonna shyny óndiretin bolady.
«Zaýyt jumysyna 260 adam jumyldyrylady. Jumysqa otandyq mamandardy keńinen tartý úshin óńirden 400 túlek reseılik grantqa ıe bolyp, búginde bilim alyp jatyr», - dedi ol.
Óz kezeginde Senat tóraǵasy Darıǵa Nazarbaeva jańadan ashylatyn zaýytta otandyq mamandardyń tartylýyn alǵa tartty.
Aıta ketsek, búgin QR Parlamenti Senatynda alǵash ret «Óńirler kúni» jospary aıasynda Qyzylorda oblysynyń áleýmettik-ekonomıkalyq damýyna arnalǵan otyrys ótti.
