Qyzylordada ashýǵa býlyqqan áke balasyn pyshaqtap óltirdi
QYZYLORDA. 10 tamyz. QazAqparat - Qyzylorda qalasynda áke óz balasyn óltirip qoıdy. Bul týraly oblystyq ishki ister departamenti baspasóz qyzmetinen habarlady.
«Tamyz aıynyń 7-si kúni oblystyq medıtsına ortalyǵynyń kezekshi dárigeri jansaqtaý bólimine er azamattyń pyshaq jaraqatymen túsip, jan tapsyrǵandyǵy jóninde Qyzylorda qalalyq ishki ister basqarmasyna habarlasqan. Polıtsııa qyzmetkerleri tekserý barysynda aýrýhanaǵa túsken azamattyń oblys ortalyǵynyń turǵyny ekenin anyqtady», - delingen habarlamada.
Ústimizdegi jylǵy 4 tamyz kúni 1955 jyly týǵan áke men 1977 jyly týǵan bala arasynda janjal shyqqan. Ashýǵa býlyqqan áke balasyn pyshaqpen urǵan. Osy jaraqatymen aýrýhanaǵa túsken jábirlenýshi kóp uzamaı kóz jumǵan.
Qazirgi tańda kúdikti áke ustalyp, qamaýǵa alyndy. Tergeý amaldary júrgizilýde.
