Qyzylordada ashanada jumys isteıtin adamnan koronavırýs ınfektsııasy anyqtaldy
Qazir Qyzylorda oblysynda koronavırýs ınfektsııasyn juqtyrǵan 231 adam bar. Olardyń arasynan 181 adam saýyǵyp shyqty.
«Jańadan anyqtalǵan 1 jaǵdaı Jańaqorǵan aýdanynda tirkeldi. Ol - buǵan deıin provızorlyq karantınde bolǵan azamat. Negizgi jumys oryny «Batys Qytaı-Batys Eýropa» halyqaralyq dálizi boıyna ornalasqan kópshilik ashanasynda jumys jasaǵan», – dedi Qyzylorda oblystyq densaýlyq saqtaý basqarmasynyń basshysy Jaqsylyq Abdýsametov.
Sondaı-aq, koronavırýs ınfektsııasyn juqtyrǵandarmen baılanysta bolǵan– 3270 azamat anyqtaldy. Onyń ishinde, 1798-i jaqyn qarym-qatynasta, 1472-si janama baılanysta bolǵan.
«Sońǵy 19 kúnniń statıstıkasyna qaraǵanda, vırýstyń juǵý múmkindigi qarym-qatynas arqyly bolyp otyr. Vırýs aýa tamshylary arqyly juǵatyn bolǵandyqtan, ol kóbine sýly aýada kóp saqtalady. Sondyqtan oqshaýlaný, shekteý sharalaryna muqııat bolýǵa jáne betperde kııýdi jalǵastyra berýge shaqyramyz», - dedi basqarma basshysy.