Qyzylordada asarmen salynǵan stýdenttik jataqhana jabyldy
QYZYLORDA. QazAqparat - Qyzylorda oblysynda Aral kópsalaly kolledjiniń jataqhanasy jabyldy, dep habarlaıdy QazAqparat tilshisi.
Anyqtalǵandaı, jataqhana 2007 jyly halyqtyń qarjysyna salynǵan jáne osy ýaqytqa deıin qujattary rásimdelmegen.
Zańsyz ǵımaratty qoǵamdyq baqylaý ókilderi, atap aıtqanda, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti janyndaǵy monıtorıngtik top anyqtaǵan.
Oblysta 9 oqý ornynyń jataqhanasy bar. Monıtorıngtik top olardyń maqsatqa saı paıdalanylýyn tekserip shyqqan.
«Jataqhana 2007 jyly asar ádisimen salynǵan. Osy kezeńge deıin qujattary rásimdelmegen. Jataqhanaǵa stýdentter aıyna 1 800 teńgeden tólep kelgen. Onda 3 shtat qyzmetkeri jumys jasaǵan», - dedi agenttiktiń Qyzylorda oblysy boıynsha departamentiniń baspasóz hatshysy Baǵdat Ábdiqadyrov.
Anyqtalǵan mán-jaılar boıynsha oblystyq bilim basqarmasyna tıisti usynystar joldandy. Kolledj jataqhanasynyń qyzmeti toqtatyldy.
