Qyzylordada asa iri mólsherde marıhýana tasymaldaǵan turǵyn qolǵa tústi
Jańaqorǵan aýdandyq polıtsııaıasy jáne Qyzylorda oblysynyń polıtsııa departamenti esirtki qylmysyna qarsy is-qımyl basqarmasynyń qyzmetkerler «Samara-Shymkent» tas jolynyń Jańaqorǵan aýdanynyń tusynda jeńil avtokólikti toqtatty.
«Tekserý barysynda avtokóliktiń júk salǵyshynan túrli-tústi paket alyndy. Onda erekshe ıisi bar shóp salynǵan 328 sirińki qoraby boldy. Saraptama qorytyndysy boıynsha alynǵan zattar jalpy salmaǵy bir keliden astam keptirilgen marıhýana bolyp tabylady. Kúdikti oqıǵa ornynda ustaldy. Ol Jańaqorǵan aýdanynyń 39 jastaǵy turǵyny bolyp shyqty. Atalǵan azamat aýdandyq polıtsııa bóliminiń ýaqytsha ustaý ızolıatoryna qamaýǵa alyndy. Q Qylmystyq kodeksiniń 296-baby 4-bóligimen sotqa deıingi tergep-tekserý amaldary júrgizilýde.Onda asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý jaǵdaıy kórsetilgen», - dep málim etti Qyzylorda oblystyq polıtsııa departamentinen.
