Qyzylordada áriptesin aldap aqsha alǵan áıeldiń bas bostandyǵy shekteldi
QYZYLORDA. QazAqparat - Óziniń qyzmettes áriptesin aldap, 300 myń teńge aqsha alǵan Qyzylorda qalasynda turatyn azamatshaǵa qatysty sot úkimi shyqty, dep habarlaıdy QazAqparat tilshisi.
Bul qylmystyq is Qyzylorda qalalyq №2 sotynda qaraldy. Azamatsha óziniń qyzmettik áriptesin bankke menejder qyzmetine turǵyzýǵa qol ushyn sozatynyn aıtqan. Sol úshin 300 myń teńge alǵan. Bul oqıǵa ótken jyldyń qarasha aıynda boldy. Odan keıin taǵy bir tanysyna áleýmettik tólem máselesinde kómektesetinin jetkizip, odan alǵan 60 myń teńgeni alyp jeke bas paıdasyna jaratqan. Degenmen ol sońǵysynyń aqshasyn qaıtaryp, odan keshirim alǵan.
«Sońǵy jyldary áıelder arasynda alaıaqtyq derekteri jıi kezdesedi. Bul oqıǵa boıynsha alaıaqtyq jasaǵan áıelge tómendegishe sheshim shyǵardyq. Onyń asyraýynda jas balalary bar. Buryn sotty bolmaǵan. Osyndaı jaǵdaılardy eskere otyryp, bul azamatshanyń bas bostandyǵy 1 jylǵa shekteldi», - dep habarlaıdy Qyzylorda qalalyq №2 sotynyń sýdıasy Kúmisbaı Qosekeev.
Budan buryn Qyzylordada kópbalaly ana alaıaqtyq qylmysy úshin jazaǵa tartylǵanyn habarlaǵan edik.
Sondaı-aq, Qyzylordada turǵyndardyń 3 mln teńgesin alyp ketken alaıaq áıel sottaldy.
