Qyzylordada Aral óńirindegi ekologııalyq problemalarǵa qatysty dóńgelek ústel ótedi
ASTANA. Mamyrdyń 17-si. QazAqparat /Ernur Aqanbaı/ - Mamyrdyń 17-18-i kúnderi Qyzylordada «Qazaqstannyń Aral óńirindegi qazirgi tańdaǵy sý jáne ekologııalyq qaýipsizdik problemalary jáne olardy sheshý joldary» atty dóńgelek ústel ótedi. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti,
dep habarlaıdy QazAqparat.
Sharany Araldy qutqarý jónindegi halyqaralyq qordyń Atqarýshy dırektsııasy jáne EQYU-nyń Astanadyǵy ortalyǵy birlesip uıymdastyryp otyr. «Sharaǵa Polsha, Avstrııa, Ispanııa, Norvegııa, Fınlıandııa jáne Chehııanyń dıplomatııalyq mıssııalarynyń basshylary, sondaı-aq Qazaqstanda tirkelgen ózge de elshilikterdiń jáne halyqaralyq uıymdardyń, atap aıtqanda BUU Damý baǵdarlamasynyń, Islam damý bankiniń, Eýrazııalyq damý bankiniń ókilderi qatysatyn bolady», dedi A. Ábdirahmanov.
