Qyzylordada Aral halyqaralyq turaqty damý forýmy ótip jatyr

Forýmnyń maqsaty - Aral óńiriniń ekologııalyq jáne áleýmettik - ekonomıkalyq jaǵdaıy týraly keńirek aqparattandyrý, ózekti máselelerge álemdik qaýymdastyqtyń nazaryn aýdarý.

Forým jumysyna Qazaqstan Respýblıkasynyń Memlekettik hatshysy Gúlshara Ábdihalyqova, Parlament depýtattary, QR jáne Ortalyq Azııa elderiniń ortalyq jáne jergilikti memlekettik organdarynyń basshylary, Qazaqstan Respýblıkasyndaǵy dıplomatııalyq ókildikterdiń  basshylary, halyqaralyq uıym ókildikteriniń jetekshileri, ǵalymdar, sarapshylar jáne t.b. qatysty.

Alqaly jıynnyń ashylýynda Qyzylorda oblysynyń ákimi Qyrymbek Kósherbaev Qazaqstan Respýblıkasynyń Tuńǵysh Prezıdenti, Elbasy Nursultan Nazarbaevtyń Birikken Ulttar Uıymynyń minberinde  Aral teńiziniń máselesi bizdiń óńirge ǵana emes, búkil álemge qater tóndiretindigi týraly aıtqan málimdemesin  keltire otyryp, teńizdiń tartylýy saldarynan kóterilgen shań men ýly tuz qazirdiń ózinde Eýropa men Antarktıdadan tabylyp otyrǵandyǵyn atap ótti.

Memlekettik hatshy G.Ábdihalyqova alǵysóz sóıledi. Sondaı-aq Qazaqstan Respýblıkasy Parlamentiniń, Qyrǵyzstan, Tájikstan, Túrikmenstan, Ózbekstan memleketteri delegatsııalarynyń, Birikken Ulttar Uıymy, Dúnıejúzilik Bank jáne Eýropalyq ekonomıkalyq komıssııa ókilderiniń forýmǵa joldanǵan  quttyqtaýlary oqyldy.

Araldyń ekologııalyq jáne áleýmettik-ekonomıkalyq máselelerin talqylaýmen qatar, forým barysynda ındýstrıaldy ekologııa, ǵalamdyq klımattyq ózgerister, keshendi sý taqyryby men atalǵan ózekti máselelerdi sheshýdiń álemdik tájirıbesi talqylandy.

Sondaı-aq, Aral basseıniniń problemasy men Aral óńiriniń máselelerine eleýli úles qosqan uıymdar men tulǵalardyń eńbekteri atap ótilip,  yntymaqtastyq týraly birqatar hattamalarǵa qol qoıyldy.

Atap aıtqanda, «Aral teńiziniń shyǵys jaǵalaýynan «Jasyl beldeý» qurý jobasy; «Jabaıy janýarlardy klımattyń ózgerýine jersindirýdiń Aral óńiri ortalyǵyn qurý» jobasy; «Qamystybas» kóliniń jaǵalaýynda «Aral» ǵylymı - týrıstik ortalyǵyn» qurý; «Qyzylorda oblysynyń Atlasyn daıyndaý jáne GIS tehnologııasynyń negizinde Aral óńiriniń ınteraktıvti elektrondy kartasyn» ázirleý jáne ózge de jobalar boıynsha.

  Sharanyń qorytyndysy boıynsha qatysýshylar forýmnyń Qararyn qabyldap, Halyqaralyq Araldy qutqarý qorynyń qurylǵan kúni 26 naýryzdy - «Aral teńiziniń kúni» retinde jarııalaý jónindegi  HAQQ-nyń Qazaqstandaǵy Atqarýshy dırektsııasynyń bastamasyn qoldady.

  Aldaǵy ýaqytta, forým Qyzylorda qalasynda Aral óńiri memleketteri basshylarynyń sammıtin daıyndaýǵa nıetti.

Forým aıasynda derekti jáne ǵylymı tanymdyq fılmder kórsetilip, Aral óńiri men Aral týraly avtorlyq kórkem týyndylar  men ǵylymı monografııalar tanystyrylady.

 Ekinshi kúni forýmǵa qatysýshylar Aral teńiziniń qazaqstandyq bóligin tikushaqpen aralaıdy.