Qyzylordada apatty úıdiń turǵyndary shuǵyl kóshirildi
QYZYLORDA. QazAqparat-Qyzylordada apatty dep tanylǵan Tasbóget kentindegi eki qabatty úıdiń turǵyndary qaýipsiz jerge kóshirildi, dep habarlady QazAqparat HAA tilshisi qalalyq ákimdikke silteme jasap.
Aǵymdaǵy jyldyń 26 aqpanynda atalǵan úıdiń kireberisi jáne buryshy (birinshi qabattaǵy páterdiń) jaýyn-shashynnyń saldarynan mújilip túsken bolatyn.
Kent ákimdigi jáne tıisti sala mamandary shuǵyl sharalar qabyldap, apattyq úıdegi tórt otbasyn qaýipsiz jerge kóshirdi. Zardap shekkender joq.
Júnisbaev kóshesindegi bul úı 1960 jyly salynyp, paıdalanýǵa berilgen, 2 qabatty, 8 páterden turady. Jalpy aýdany - 385,6 sharshy metr. Turǵyn úı 2014 jylǵy 13 mamyrda «KZ Stroıekspert» JShS-niń qorytyndysy boıynsha appatty jaǵdaıda dep tanylǵan.
Atalmysh páter ıeleri «jalǵyz baspanasy apatty dep tanylǵan» sanat boıynsha úı kezeginde tur. Aldaǵy ýaqytta zań aıasynda jáne kezek retimen turǵyn úımen qamtylatyn bolady.
Apatty turǵyn úı qaýipsizdik maqsatynda tolyqtaı buzyldy.
