Qyzylordada antıseptıkterdi zańsyz satqandar anyqtaldy
Departamentke salyq organdarynda kásipker retinde tirkelmegen tulǵanyń zańsyz antıseptıkalyq qural satyp jatqany týraly aqparat tústi. Vedomstvo mamandary atalǵan derekti naqtylaý maqsatynda antıseptıkalyq quraldar satyp alýǵa barǵan keıip tanytty. Olar 4 lıtrlik býtyldyń árqaısysyn 24000 myń teńgeden satyp alǵan.
Tolyq qaraý barysynda barlyǵy 113 býtyl ydysyna quıylǵan antıseptık aınalymnan alyndy.
«Atalǵan derek aqparattardy esepke alý kitabyna tirkeldi. Qazirgi kezde alynǵan antıseptıkalyq quraldardy oblystyq densaýlyq saqtaý basqarmasyna berý týraly kelisim jasalýda. Al materıal, QR Ákimshilik quqyqbuzýshylyq týraly kodeksiniń 463 baby negizinde Qyzylorda oblysy boıynsha Memlekettik kirister departamentine berildi», - dep málim etti Qyzylorda oblysy boıynsha ekonomıkalyq tergeý departamentiniń mamany Baqyt Ordanova.