Qyzylordada anasy men qyzy páter daýlap sotqa keldi
QYZYLORDA. QazAqparat - Qyzylordada jergilikti turǵynnyń óziniń qyzyna syıǵa tartqan páterge baılanysty shaǵymy apellıatsııalyq sot alqasynda qaraldy, dep habarlaıdy QazAqparat tilshisi.
Talap qoıýshy áıel osydan bir jyl buryn ózinen bólek turatyn qyzyna syıǵa tartý shartyn rásimdegen. Arada jyl ótkende sol kelisimdi jaramsyz dep taný týraly sotqa júgindi.
«Qyzylorda qalalyq sotynyń sheshimimen talap qoıýshy L.-nyń aryzy qanaǵattandyrýsyz qaldyrylǵan. Degenmen azamatsha bul sheshimimen kelispeı, apellıatsııalyq alqaǵa shaǵym berdi», - dep habarlaıdy Qyzylorda oblystyq sotynyń baspasóz qyzmeti.
Іstiń sotta qaralýy barysynda taraptar isti bitimgershilikpen aıaqtaýǵa nıetterin bildirgen. Soǵan saı jaýapker anasyna páterdi berdi. Al talap qoıýshy shaǵymynan bas tartty.
