Qyzylordada altyn urlaǵan áıel qolǵa tústi
QYZYLORDA. QazAqparat - Qyzylordada saýda úıinen altyn buıymdaryn urlaǵan kúdikti áıel qolǵa tústi, dep habarlaıdy QazAqparat tilshisi.
Bul jóninde Qyzylorda qalalyq polıtsııa basqarmasyna jergilikti turǵyn habarlasqan.
Onda qaladaǵy saýda úıleriniń birinde úsh dana altyn jıyntyǵyn urlaǵan belgisiz azamatshaǵa shara qoldaný týraly aryzdanǵan.
Kelgen shyǵyn - 600 myń teńge. Polıtsııa qyzmetkerleri jedel áreket etti. Nátıjesinde birneshe saǵattan keıin 1990 jyly dúnıege kelgen kúdikti áıel ustaldy.
«Qazirgi tańda atalǵan derek boıynsha QR Qylmystyq kodeksiniń 188-babynyń 1-bóligimen sotqa deıingi tergeý bastaldy», - dep málim etti Qyzylorda oblystyq polıtsııa departamentiniń baspasóz qyzmeti.
Budan buryn Qyzylordada mal urlaǵan 51 jastaǵy turǵyn ustalǵan edi.
