Qyzylordada «Altyn belbeý» týrnıriniń aqtyq jarysy márege jetti
QYZYLORDA. 9 shilde. QazAqparat /Jańagúl Serdaly/ - Qyzylordada qazaq kúresinen oblystyq «Altyn belbeý» aqtyq jarysy márege jetti.
Oǵan Baıqońyr, Qyzylorda qalalary men oblys aýdandarynan 200-ge jýyq sportshy qatysty.
Eldi mekenderden bastaý alǵan shara aýdandyq, qalalyq jáne oblystyq kezeńderge bólinip, 140 eldi mekennen 3 jas ereksheligi boıynsha 27 864 palýan qazaqtyń tól ónerin damytýǵa atsalysty.
Qazaq kúresinen oblystyq jarys 3 kezeńnen turady jáne 3 jas ereksheligi boıynsha ótkizildi. Eresekter arasynda qarmaqshylyqtar Baýyrjan Raısov, Ashat Pirmanov, Qaırat Jalǵasbaev, Qaırat Úsenov, Almat Taıbaǵarov, Jasulan Dosymov, shıelilik Ulan Rysqul birinshi orynǵa shyqty. Túıe palýandar saıysynda qarmaqshylyq Rýslan Ábdirazaqov bas báıgeni jeńip aldy.Oǵan «Altyn belbeý» taǵylyp, 1 mln. 470 myń teńge kóleminde syıaqy berildi.
