Qyzylordada «Altyn belbeý» oblystyq chempıonatynyń aqtyq syndary ótedi
ALMATY. Qazannyń 13-i. QazAqparat /Erbol Turymbetov/ - Qyzylorda qalasyndaǵy Ǵ. Muratbaev atyndaǵy stadıonda qazan aıynyń 14-15-i kúnderi qazaqsha kúresten «Altyn belbeý» oblystyq chempıonatynyń aqtyq syndary ótedi.
Chempıonatty oblystyq sport basqarmasy oblys ákimdigimen birlese uıymdastyryp otyr. Qyzylorda oblysynda ǵana ótkizilgeli otyrǵan «Altyn belbeý» ulttyq sport básekesi elimizde tuńǵysh ret qolǵa alynýda.
Jarysqa ár aýdannan 24 sportshydan qatysady. Chempıonat qatysýshylardyń jas erekshelikterine qaraı úsh topqa bólingen. Aldymen 1996-98 jylǵy jasóspirimder arasyndaǵy beldesýler 9 salmaq dárejesi boıynsha ótedi. Onan soń 1993-95 jylǵy jasóspirimder básekesi 8 salmaq jáne eresekter arasyndaǵy beldesýler 7 salmaq dárejesi boıynsha ótetin bolady.
