Qyzylordada Almatydan kelgen 2 adamnan koronavırýs tabyldy

QYZYLORDA. QazAqparat - Qyzylorda oblysynda ótken táýlikte koronavırýs juqtyrǵan naýqastardyń 2-i Almaty qalasynan kelgeni anyqtaldy, dep habarlaıdy QazAqparat tilshisi.

Óńirde ótken táýlikte 9 adam qaterli indettiń quryǵyna ilikti.

Onyń altaýy - Qyzylorda qalasynda tursa, ekeýi - Jalaǵash, bireýi - Aral aýdanynan anyqtaldy.

Naýqastardyń ekeýi Almaty qalasynan kelgen.

Aıta keterligi, tórt adamda dene qyzýynyń kóterilýi, entigý, keýde tusynyń aýyrýy sekildi klınıkalyq belgisi baıqalǵan.

Qalǵan 5 jaǵdaı sımptomsyz anyqtaldy.

«Naýqastarmen qarym-qatynasta bolǵan 30 adam medıtsınalyq baqylaýǵa alyndy. Olarǵa profılaktıkalyq jáne epıdemııaǵa qarsy sharalar júrgizilýde», - dep málim etti Qyzylorda oblysynyń sanıtarııalyq-epıdemıologııalyq baqylaý departamentinen.

Qazirgi tańda koronavırýs juqtyrǵan azamattardyń sany 3 768 adamǵa jetti. Naýqastardyń basym bóligi Qyzylorda qalasynyń úlesine tıedi.