Qyzylordada alkogol ónimin zańsyz saqtaǵan kásipker jazaǵa tartyldy

QYZYLORDA. QazAqparat - Qyzylorda oblysy Jańaqorǵan aýdanynda tıisti qujatsyz syra ónimderin saqtaǵan kásipker jazaǵa tartylatyn boldy, dep habarlaıdy QazAqparat tilshisi.

Qyzylorda oblysy boıynsha Memlekettik kirister departamenti mamandary Jańaqorǵan kentinde alkogol ónimderin satýmen aınalysatyn kásipkerge salyqtyq tekserý júrgizdi. Nátıjesinde onyń jumysynan birqatar kemshilikter anyqtaldy.

«Tekserý barysynda kásipkerdiń quny 3 mln teńgege jýyq syra ónimderin júk qujatynsyz satqany jáne saqtaǵany belgili boldy. Syra ónimderiniń jalpy sany - 15980 dana. Osyǵan oraı QR Ákimshilik quqyq buzý týraly kodeksiniń 82-babyna səıkes qujat jınaldy. Qujattar sheshim qabyldaý úshin Jańaqorǵan aýdandyq sotyna joldandy», - dep málim etti Qyzylorda oblysy boıynsha Memlekettik kirister departamentiniń mamandary.