Qyzylordada álimjettik kórsetken polıtseıler úsh jylǵa sottaldy
QYZYLORDA. QazAqparat - Qyzylordada adamdy uryp-soǵyp, aqshasyn tartyp alǵan qos tártip saqshysy shartty jazaǵa kesildi. Bul týraly oblystyq prokýratýranyń baspasóz qyzmetinen habarlady.
Qalalyq ІІB-nyń patrýldik polıtsııa batalonynyń polıtseıleri tún ishinde kóshede ketip bara jatqan kisini toqtatyp, «araq ishkensiń» dep, aıyptap, uryp-soqqan. Sodan keıin kúshtep kólikterine mingizip, 46 myń teńgesin tartyp alǵan.
«Qyzmettik ókilettikterin asyra paıdalanǵan olar Qylmystyq Kodekstiń 308-babynyń 4-bóliginiń «a», «v» tarmaqtary boıynsha úsh jylǵa sottaldy», - delingen habarlamada.
Byltyrǵy jyly oblysta 5 patrýldik polıtseı men 4 jedel ýákil qylmystyq jaýapkershilikke tartylǵan bolatyn.
