Qyzylordada alımentshiler balalaryna 154 mln teńge qaryz
QYZYLORDA. QazAqparat - Qyzylorda oblysynda alımentshiler balalaryna 154 mln. teńge qaryz. Oblystyq ádilet departamentiniń málimetinshe, búginde 324 adam perzenti aldyndaǵy qaryzyn nemese paryzyn óteýden jaltaryp júr, dep habarlady QazAqparat HAA tilshisi.
Bıylǵy jyldyń basynda Qyzylorda oblysynyń ádilet departamentiniń aýmaqtyq fılıaldarynda alıment tólemderin óndirý boıynsha 8421 óndiris bolsa, qazirgi tańda 549 óndiris aıaqtalǵan (57 naqty, 289 oryndaýsyz keri qaıtarylǵan, 203 toqtatylǵan).
Búgingi kúni 4750 is boıynsha alımentter boryshkerlerdiń jalaqylarynan óndirilip tursa, 2709 boryshker tólemderdi óz erikterimen ótep otyr.
Oblysta oryndalýy qıyndyq týǵyzyp otyrǵan 324 óndiris bar, olardyń bereshegi 153 mln. 891 myń teńgeni quraıdy.
Buǵan deıin sot oryndaýshylary alıment tóleýden jaltarǵan 46 adamnan perzentterine 12 mln.teńge óndirip berdi.
Jyl basynan 234 boryshkerdiń qylmystyq jaýapkershiligin qaraý týraly QR QK 139-babyna sáıkes 234 usynym joldanǵan. Nátıjesinde 60 boryshkerge qatysty qylmystyq is qozǵalyp, onyń 56-sy tergeý barysynda qysqartyldy.
