Qyzylordada alǵashqy medıtsınalyq kómek kórsetetin 62 nysan jańartylady

QYZYLORDA. QazAqparat - Qyzylorda oblysynda jańadan salynatyn áleýmettik nysandar kóbeıedi, dep habarlaıdy QazAqparat tilshisi.

Búgin Gúlshara Ábdiqalyqova onlaın formatta halyq aldynda esep berdi.

Aımaq basshysy óńirdiń áleýmettik-ekonomıkalyq damý qorytyndylary men salalar boıynsha jetken jetistikterge toqtaldy.

Onlaın formatta halyqpen esepti kezdesý ótkizgen óńir basshysy ótken jyly bıýdjet esebinen 8 jańa sport nysany salynyp, 60 sektsııaly 5 joba júzege asqanyn atap ótti.

Óńirde shaǵyn eldi mekenderde sport nysandarynyń qurylysy iske asady.

Tasbóget kenti men Aqaı, III Internatsıonal aýyldarynda dene shynyqtyrý-saýyqtyrý keshenin salý bastalady.

Gúlshara Ábdiqalyqova aımaqta ınvestorlar esebinen 500 orynǵa laıyqtalǵan bir mektep, Qyzylorda qalasy Saıahat móltek aýdanynan 300 oryndyq bir mekteptiń qurylysy júrip jatqanyn jetkizdi.

Sondaı-aq, Qyzylorda óńirinde aýdandyq aýrýhana salý máselesi tolyq sheshimin tapty.

Bıyl óńirdegi eki aýdanda dárigerlik ambýlatorııa salynady.

ıAǵnı Jańaqorǵan aýdanyndaǵy Jańaryq, Jalaǵash aýdanyndaǵy Tań aýylynda dárigerlik ambýlatorııanyń qurylysy júrgiziledi.

Oblysta medıtsınalyq nysandardy jóndeý jumysy da qarqyn alǵan.

Aldaǵy 3 jylda alǵashqy medıtsınalyq-áleýmettik kómek kórsetetin 62 nysan jańartylady.

«Eki aıǵa jetetin dári-dármektiń turaqtandyrý qory qurylyp, oǵan jergilikti bıýdjetten 488 mln teńge qarjy bólingen. Sondaı-aq, 3200 tósek-oryn men 3500 medıtsına qyzmetkerinen turatyn kadrlyq rezerv jasaqtaldy. Aıtý kerek, óńirde osy jyly zamanaýı úlgidegi 200 oryndyq modýldi juqpaly aýrýhana paıdalanylýǵa beriledi», - dedi oblys ákimi.