Qyzylordada áleýmettik qyzmet kórsetý mekemeleriniń 524 mamany vaktsına saldyrdy
Aımaqta jyl basynan beri áleýmettik qyzmet kórsetý ortalyqtarynyń statsıonarynda 677 azamatqa, kúndizgi bólimshelerde 184 adamǵa qyzmet kórsetildi. Qazir medıtsınalyq mekemeniń úsheýi Talsýat eldi mekeninde, biri Qazalyda, endi biri qalada ornalasqan. Búginde bul mekemelerge oblystyq bıýdjetten azyq-túlik, dári-dármek, kommýnaldyq shyǵyndary men basqa da qajettilikterine tolyǵymen qarjy bólingen.
«Koronavırýs pandemııasyna baılanysty 2-3 aıǵa jetetin qajetti dezınfektsııalyq qural-jabdyqtar qory da daıyn. Onyń ishinde, 5 teplovızor, 31701 betperde, 273 lıtr antıseptık, 258 dana qorǵanysh kostıým, 12603 dana qolǵap, 2710 bahıla, 340 bir rettik halat pen 593 termometr bar», - dedi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Meırambek Abdýkarımov.
Eske salsaq, Qyzylordada Syrdarııa aýdany «qyzyl» aımaqqa engizildi.