Qyzylordada alaıaqtyq jasady degen kúdikpen polıtseıler ustaldy
QYZYLORDA. QazAqparat - Qyzylorda oblysy Polıtsııa departamentinde alaıaqtyq qylmysy boıynsha basqarma basshysy men onyń qyzmetkeri ustaldy, dep habarlaıdy QazAqparat tilshisi.
Bul jóninde Qyzylorda oblysy Polıtsııa departamentiniń baspasóz qyzmeti málim etti.
Baspasóz qyzmetiniń málimetterine qaraǵanda, 5 qazan kúni QR ІІM Ózindik qaýipsizdik departamenti jáne Qyzylorda oblysynyń Polıtsııa departamenti Ózindik qaýipsizdik basqarmasynyń mamandary ótkizgen arnaıy shara barysynda zańsyz áreketi úshin basqarma basshysy men onyń qyzmetkeri qolǵa tústi.
Vedomstvo ókilderiniń habarlaýynsha, búgingi kúni kúdiktiler ýaqytsha ustaý abaqtysyna qamaýǵa alynǵan. Olardyń ústinen QR Qylmystyq kodeksiniń 190-babynyń 3-bóligimen (alaıaqtyq) sotqa deıingi tergep-tekserý amaldary júrgizilýde.
«Qazirgi tańda qyzmettik tergeý júrip jatyr. Mundaı zańbuzýshylyqqa qasaqana barǵandar zań aıasynda qatań jazaǵa tartylady. Polıtsııa bedeline nuqsan keltiretin áreketterdiń aldyn-alý sharalary jalǵasady»,- dep atap ótti Qyzylorda oblysy Polıtsııa departamentiniń bastyǵy Bektóre Sultan.
