Qyzylordada alaıaqtyq qylmysy órship tur
Eldi aldaǵan adamdar jábirlenýshilerdiń áleýmettik jaǵdaılaryn túzep berý, jumysqa ornalastyrý, memlekettik járdemaqylardy taǵaıyndaý, jeńildetilgen paıyzben nesıe alyp berý sekildi jaǵdaılarǵa úıip-tógip ýádesin beredi. Sondaı-aq, kezekten tys jer, páter alý jumystaryna kómektesýge ýáde etkenderi bar.
«Bıyl tirkelgen alaıaqtyq derekterdiń ishinde 98 adam ınternet jelisi nemese uıaly telefon arqyly senimge kirip, esep shotyna aqsha saldyrǵan, 63 adam jumysqa turǵyzamyn dep ýáde bergen, 68 alaıaq nesıe alýǵa kómektesemin dep aldap soqqan, 63 adam jumysqa turǵyzamyn dep aldap ketken. Sondaı-aq, qaryzǵa aqsha alyp qaıtarmaǵandar jáne basqa da jaǵdaılar boıynsha alaıaqtyq jasaǵandar bar», - dep málim etti Qyzylorda oblystyq polıtsııa departamenti.
Nátıjesinde bıylǵy 6 aıda alaıaqtyq jasaǵany úshin 154 adam qolǵa tústi. Olardyń 84-ine qatysty qylmystyq is aıyptaý qorytyndysymen sotqa joldandy. Al 70-ne qatysty eki taraptyń kelisimge kelýine baılanysty qylmystyq is qysqartylyp, keltirilgen shyǵyn óndirildi. Osy qylmystar boıynsha kúdiktilerdiń 107-i áıel, 47-i er azamat.
Budan buryn Qyzylordada tanystarynyń atyna kredıt alǵan stýdent sottaldy.