Qyzylordada alaıaq kelinshek oqýshy qyzdardyń altyn buıymdaryp qoldy etip kelgen
QYZYLORDA. QazAqparat - Mektep oqýshylarynyń altyn buıymdaryn qoldy etken qyzylordalyq alaıaq áıel shartty túrde 3 jylǵa sottaldy, dep habarlaıdy QazAqparat tilshisi oblystyq ishki ister departamentiniń baspasóz qyzmetine silteme jasap.
Ol ústimizdegi jyldyń 28 aqpanynda tártip saqshylarynyń qolyna tústi. 1987 jyly dúnıege kelgen áıel jasóspirim qyzdardy aldap, olardyń altyn buıymdaryn alyp ketip otyrǵan. Oqýshylardyń ata-analary onyń ústinen Qyzylorda qalasynyń Іshki ister basqarmasyna shaǵym túsirgen.
ІІD baspasóz qyzmetininiń habarlaýynsha, alaıaq áıeldiń áreketinen 6 adam zardap shekken. Jedel izdestirý barysynda ońaı jerden olja izdegen kelinshekten aıǵaq zattar alyndy. Kúdikti óz kinásin tolyq moıyndady.
«Osyǵan oraı, Qyzylorda oblysy Іshki ister departamenti ata-analar balalaryna túsindirme jumystaryn júrgizý qajettigin eskertedi. Balalar bóten adamdarmen sóıleskende saqtyq sharalaryn saqtaý qajet» dep jazylǵan habarlamada.
Atalǵan azamatsha Qazaqstan Respýblıkasy Qylmystyq kodeksiniń 190-baby 3-bóligi 1-tarmaqshasyna sáıkes kináli dep tanylyp, sot úkimimen 3 jylǵa shartty túrde bas bostandyǵynan aıyrý jazasy taǵaıyndaldy.
Ádiljan Úmbet
