Qyzylordada aqyn Temirshe Sarybaıulyn eske alýǵa arnalǵan múshaıra ótti
QYZYLORDA. QazAqparat - Jalaǵash aýdanynyń Myrzabaı ahýn aýyldyq okrýginde aqyn, jazýshy Temirshe Sarybaıulyn eske alýǵa arnalǵan «Syrdan ushqan Suńqar» atty jas aqyndar músháırasy ótti. Bul týraly aýdandyq ákimdiktiń baspasóz qyzmeti habarlady.
Aqyndy eske alý sharasynda aýdan ákiminiń orynbasary Jaǵypar Tájimahanov aqynnyń ómir joly men eńbekteri jóninde aıtyp ótti. Oqýshylar qatysqan jas aqyndar músháırasynda úzdikter baǵaly syılyqtarmen marapattaldy.
Aıta keteıik, aqyn Temirshe Sarybaıuly atalǵan aýylda 1941 jyly dúnıege kelgen. Aýdandyq «Jańadarııa», Syrdarııa aýdandyq «Syrdarııa» gazetterinde bólim meńgerýshisi qyzmetterin atqarǵan. Qyzylorda oblystyq syrttaı oqý mektebinde ádisker, Qazaq televızııasynyń ádebı-dramalyq habarlar redaktsııasynda redaktor, «Baldyrǵan» jýrnalynda bólim redaktory, qyzmetterin atqarǵan. Respýblıkalyq jyr-músháıralardyń birneshe dúrkin jeńimpazy. J.Jabaevtyń 150 jyldyq, B.Momyshulynyń 90 jyldyq mereıtoılarynyń birinshi júldegeri.
