Qyzylordada «Aqyly aıaldama» jobasy iske qosylmaqshy

  QYZYLORDA. QazAqparat - Bıyl Qyzylordada «Aqyldy aıaldama» jobasyn iske qosý josparlanyp otyr. Nátıjesinde, qoǵamdyq kólikpen júretin qala turǵyndary avtobýstardyń qashan keletinin smartfondaǵy mobıldi qosymsha arqyly bilip otyrady. Bul týraly búgin Óńirlik kommýnıkatsııalar qyzmetinde ótken baspasóz konferentsııasynda oblys ákiminiń orynbasary Evgenıı Kım málimdedi, dep habarlady QazAqparat tilshisi.

«Qyzylordalyqtar ózderiniń smartfondaǵy qosymshalary arqyly avtobýstyń qashan keletini týraly málimet ala alady. Sonymen qatar, jolaqyny qolma-qol emes tólem júıesi arqyly tóleýge múmkindik jasamaqpyz. Álemde tólemder kartochkamen emes, telefon arqyly tólenedi. Osyndaı fýnktsııany iske asyrýǵa jumys jasap jatyrmyz», - dedi Evgenıı Kım.

Bıyl densaýlyq salasy aıasynda "Emdelýshiniń elektrondy tólqujaty" jobasyn iske asyrý da qolǵa alynbaq.

«Emdelýshiniń tólqujaty arqyly onyń boıynda anyqtalǵan syrqattardy bilýge bolady. Sondaı-aq, patsıent dárigerge qaı ýaqytta jazylǵysy keletinin de naqtylaı alady. Sonymen qatar, kerek dárini kez kelgen dárihanadan onlaın rejımde kórýige múmkindik bolmaq. Al, bilim salasyna engiziletin "Elektrondy jýrnal" jobasy boıynsha oqý materıaldarymen tanysa alady, onlaın túrinde bilim alady jáne shalǵaı eldi mekenderdegi bilim uıalary tsıfrly júıemen qamtamasyz etiledi», - dedi oblys ákiminiń orynbasary.