Qyzylordada ákesi men balasy joǵalyp ketti

QYZYLORDA. QazAqparat - Qyzylorda oblysynda ákesi men balasy elsiz dalada joǵalyp ketti, dep habarlaıdy QazAqparat tilshisi.

Oqıǵa 17 qarashada Jalaǵash aýdanyna qarasty Aqqyr aýylynan 150 shaqyrym jerde ornalasqan aımaqta eki adam joǵalyp ketken. Onyń biri -1981 jylǵy azamat bolsa, ekinshisi - onyń 9-10 jastaǵy balasy.

«Oblystyq tótenshe jaǵdaılar departamentine bul jóninde habarlama saǵat 12.40-te túsken. Oqıǵa ornyna jedel qutqarý jasaǵy mamandary jetti. Bul baǵytta izdestirý jumystary júrgiziledi», - dedi oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, búgin Qyzylordada mal baǵýǵa shyqqan 12 jastaǵy bala tabyldy.

Sondaı-aq, Qyzylordada joǵalǵan azamat eki kúnnen keıin elsiz daladan tabyldy.