Qyzylordada adamdardy qaqqan kólik ıesi izdestirilýde
QYZYLORDA. QazAqparat - Qyzylorda qalasynda avtokólik eki adamdy qaǵyp ketip, oqıǵa ornynan boı tasalady, dep habarlaıdy QazAqparat tilshisi.
Áleýmettik jelide tarap jatqan jol apaty týraly aqparatty oblystyq Polıtsııa departamentinde rastady.
«Atalmysh oqıǵa Qyzylorda qalasyndaǵy Shymbaı kóshesi boıynda oryn alǵan. Eki jaıaý júrginshini belgisiz avtokóliktiń qaǵýy deregi boıynsha QR Qylmystyq kodeksiniń 345-baby 2-bóligimen sotqa deıingi tergep-tekserý amaldary bastaldy. Jábirlenýshiler medıtsınalyq mekemede em alyp jatyr. Avtokólik júrgizýshisin jáne jol-kólik apatynyń mán-jaıyn anyqtaýǵa baǵyttalǵan barlyq keshendi jedel-izdestirý jumystary júrgizilýde», - dedi Qyzylorda oblystyq Polıtsııa departamenti bastyǵynyń mindetin atqarýshy Ǵanı Tólebaev.
