Qyzylordada adam pyshaqtaǵan jigit elordada ustaldy
Qyzylorda qalasyndaǵy túngi klýbtyń birinde jastar arasyndaǵy tóbeles bolǵany anyqtaldy. Saldarynan qalanyń 19 jastaǵy turǵyny pyshaq jaraqatymen oblystyq medıtsına ortalyǵyna túsken.
«Bul jóninde Qyzylorda qalalyq Polıtsııa basqarmasy kezekshi bólimine habarlandy. Atalǵan derek negizinde QR Qylmystyq kodeksiniń 24-baby, 99-babynyń 2-bóligi (Adam óltirýge oqtalý) boıynsha is tirkeldi. Іzdestirý is-sharalary nátıjesinde 24 jastaǵy turǵynnyń Nur-Sultan qalasynda ekeni anyqtaldy. Oblystyq Polıtsııa departamenti qalalyq Polıtsııa basqarmasy jedel ýákilderimen birlesip, qylmystyq qýdalaý organynan jasyrynyp júrgen kúdiktini elordada jaldamaly páterde qolǵa túsirdi», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylorda oblysynda 6 mln teńgeniń uıaly telefondary urlanǵanyn habarlaǵanbyz.
