Qyzylordada adam óltirýge oqtalǵan kúdikti qolǵa tústi
QYZYLORDA. QazAqparat - Qyzylordada adam óltirýge oqtalǵan kúdikti qolǵa tústi, dep habarlaıdy QazAqparat tilshisi.
Qyzylorda qalalyq polıtsııa basqarmasyna adam óltirýge oqtalý deregimen habarlama túsken. Onda qala aýmaǵynda ornalasqan demalys ornynyń birinde eki adam arasynda janjal bolyp, saldarynan olardyń biri aýyr jaraqat alǵany aıtylǵan.
«Qyzylordalyq polıtseıler kúdiktini izin sýytpaı qolǵa túsirdi. Ol qalalyq polıtsııa basqarmasynyń ýaqytsha ustaý abaqtysyna qamaldy. Oǵan qatysty QR Qylmystyq Kodeksiniń 24 babynyń 3-bóligimen jáne 99 babynyń 1-bóligimen (adam óltirýge oqtalý, ıaǵnı basqa adamdy quqyqqa qarsy qasaqana qazaǵa ushyratýǵa oqtalý) sotqa deıingi tergep-tekserý áreketteri júrgizilýde. Jábirlenýshi medıtsınalyq mekemeniń biriniń jansaqtaý bólimine jatqyzyldy», - dep málim etti Qyzylorda qalalyq polıtsııa basqarmasynan.
Eske salsaq, budan buryn Qyzylordada joǵalǵan jasóspirim qyz tabyldy.
