Qyzylordada adam óltirgen destrýktıvti dinı aǵym ustanýshysy sottaldy

QYZYLORDA. QazAqparat - Qyzylordada zorlyq-zombylyq jasaý arqyly adam ólimine sebepker bolǵan azamat bas bostandyǵynan aıyryldy. Ol destrýktıvti dinı aǵym ustanýshysy bolyp shyqty, dep habarlaıdy QazAqparat tilshisi.

Byltyr oblys ortalyǵyndaǵy Qydyrov kóshesinde ornalasqan úıdiń birinen bir azamattyń máıiti tabyldy. Onyń denesinde zorlyq-zombylyq belgileri baıqalǵan bolatyn.

Qyzylorda oblystyq polıtsııa departamenti keshendi jedel-izdestirý sharalaryn júrgizdi. Nátıjesinde bul qylmys boıynsha kúdikti retinde oblys ortalyǵynda turatyn 37 jastaǵy azamat qamaýǵa alyndy. Atalǵan azamattyń jeke basyn anyqtaý barysynda onyń destrýktıvti dinı aǵym ustanýshysy ekendigi anyqtaldy.

«Adam óltirý deregi QR Qylmystyq kodeksiniń 106-babynyń 3-bóligimen sotqa deıingi tergep-tekserý sharalary júrgizildi. Nátıjesinde aıyptalýshy azamattyń atalǵan qylmysqa tikeleı qatysy bar ekendigi anyqtalyp, qylmystyq is-áreketi tolyq áshkerlendi», - dep málim etti Qyzylorda oblystyq polıtsııa departamentiniń baspasóz qyzmeti.

Qyzylorda qalalyq № 2 sotynyń atalmysh qylmysqa qatysty úkim qabyldady. Oǵan 8 jyl 6 aı merzimge bas bostandyǵynan aıyrý jazasy taǵaıyndaldy, úkim kúshine endi.

Budan buryn Qyzylordada polıtsııa qyzmetkerlerine dene jaraqatyn salǵan 4 jigit qolǵa túskenin habarlaǵan edik.