Qyzylordada adam ólimine sebepshi bolǵan qoǵamdyq kólik júrgizýshisi sottaldy
QYZYLORDA. QazAqparat - Qyzylordada adam ólimine sebepshi bolǵan qoǵamdyq kólik júrgizýshisi bas bostandyǵynan aıyryldy, dep habarlaıdy QazAqparat tilshisi.
Atalmysh oqys oqıǵa byltyr bolǵan edi. Marshrýttyq kólik júrgizýshisi keshki 19.30 shamasynda Qyzylorda qalasyndaǵy Sultan Beıbarys kóshesi boıynda joldy kesip ótpek bolǵan jaıaý júrginshini qaǵyp ketti. Saldarynan júrginshi joldyń qarsy betinde kele jatqan mashınanyń aldyna qulaǵan. Bul kólik ony ústinen basyp ótip toqtaıdy. Zardap shekken jan oblystyq medıtsına ortalyǵyna jetkizilgenimen alǵan jaraqatynan kóz jumdy.
«Osyǵan oraı Qyzylorda qalasynyń №2 soty qoǵamdyq kólik júrgizýshisin QR Qylmystyq kodeksiniń 345-babynyń 3-bóligimen kináli dep tanydy. Ol 2 jylǵa bas bostandyǵynan aıyryldy. Sondaı-aq, úsh jylǵa kólik quralyn júrgizý quqyǵyn shekteý jazasy qoldanyldy», - dedi Qyzylorda qalalyq №2 sotynyń bas mamany-sot otyrysynyń hatshysy Mıra Jaqypova.
Ol jazasyn qaýipsizdigi barynsha tómen túzeý mekemesinde óteıtin boldy.
Budan buryn Qyzylordada alaıaqtyq jasaǵan turǵyn 4 jylǵa sottalǵany habarlanǵan edi .
