Qyzylordada adam qaqqan kólik ıesi izdestirilýde

QYZYLORDA. QazAqparat - Qyzylorda qalasynyń Qorqyt ata kóshesinde avtokólik ıesi jaıaý júrginshini qaǵyp ketti, dep habarlaıdy QazAqparat tilshisi.

Jol-kólik oqıǵasy oryn alǵan jerden avtokólik ıesi boı tasalap ketken. Qazirgi tańda zardap shekken júrginshi medıtsınalyq mekemede em alyp jatyr.

«Jol-kólik oqıǵasy Qyzylorda qalalyq polıtsııa basqarmasynyń aqparattardy esepke alý jónindegi kitabynda tirkeldi. Bul baǵytta keshendi jumystar atqarylýda. Avtokólik anyqtaldy. Júrgizýshisi izdestirilýde», - dep málim etti Qyzylorda oblystyq polıtsııa departamenti baspasóz qyzmeti.

Budan buryn Qyzylordada kólik qaqqan adam kóz jumǵanyn habarlaǵan edik .