Qyzylordada adam qaǵyp óltirgen polıtsııa qyzmetkeri ustaldy
Oqıǵa Qyzylorda oblysy Jańaqorǵan kentindegi ortalyq kóshelerdiń birinde boldy. Belgisiz avtokólik jaıaý júrginshini qaǵyp, oqıǵa ornynan boı tasalap ketken. Jol-kólik oqıǵasynan bir adam kóz jumdy.
Bul derek boıynsha QR Qylmystyq kodeksiniń 345-baby jáne 347-baby boıynsha sotqa deıingi tergep – tekserý áreketteri júrgizilýde. Onda kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, jol-kólik oqıǵasy bolǵan jerden ketip qalý jaǵdaılary kórsetilgen.
«Polıtsııa qyzmetkerlerimen júrgizilgen jedel-izdestirý sharalarynyń nátıjesinde jol-kólik oqıǵasyn jasaǵan kúdikti retinde polıtsııa qyzmetkeri anyqtaldy. Ol ýaqytsha ustaý ızolıatoryna qamalyp, tergeý áreketteri jalǵasýda. Kináli polıtsııa qyzmetkeri quqyq qorǵaý organdarynan shyǵaryldy. Sondaı-aq, aýdandyq polıtsııa bóliminiń basshylyǵyna qatysty qyzmettik tekserý júrgizildi. Tártiptik keńes sheshimimen birqatar basshylar tártiptik jaýapkershilikke tartyldy», - dep málim etti Qyzylorda oblystyu polıtsııa departamentinen.
Eske salsaq, budan buryn Qyzylordada adam óltirýge oqtalǵan kúdikti qolǵa tústi.
