Qyzylordada adam qaǵyp, mert qylǵan Reseı nómirli avtokólik ıesi sottaldy

QYZYLORDA. QazAqparat - Qyzylorda oblysynda jaıaý júrginshini qaǵyp ketken reseılik nómirli avtokóliktiń júrgizýshisi 2,6 jylǵa sottaldy, dep habarlaıdy QazAqparat tilshisi.

Oqıǵa 2020 jyldyń 11 qazanynda Qyzylorda qalasy ortalyq kósheleriniń birinde boldy.

Oblys ortalyǵynyń turǵyny ortalyq kóshelerdiń birinde reseılik nómiri bar «Toyota Corona Premio» markaly avtokóligimen jaıaý júrginshini qaǵyp ketken.

Jaıaý júrginshi alǵan dene jaraqatynan oqıǵa ornynda qaıtys boldy.

«Sotqa deıingi tergeý nátıjesi boıynsha qylmystyq is sotqa joldandy. Qyzylorda qalasy №2 sotynyń úkimimen júrgizýshi QR Qylmystyq kodeksiniń 345-babynyń 3-bóligi boıynsha kináli dep tanyldy. Ol 2 jyl 6 aıǵa bas bostandyǵynan aıryldy. Sondaı-aq, ol kólik quralyn 5 jyl boıy basqara almaıdy. Sot oǵan jábirlenýshi tarapqa 10 mln teńgege jýyq teńge moraldyq jáne materıaldyq zalal óteýdi mindettedi», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada jaıaý júrginshiler jolynda jasóspirimdi qaǵyp, oqıǵa ornynan qashyp ketken júrgizýshi ustaldy.