Qyzylordada Ábil Qalymbetovty eske alýǵa arnalǵan respýblıkalyq týrnır aıaqtaldy
QYZYLORDA. QazAqparat-2-7 qarasha aralyǵynda fýtboldan Qyzylorda oblysynyń sheberler komandasynyń oıynshysy Ábil Qalymbetovty eske alýǵa arnalǵan 2003-2004 j.t. jasóspirimder arasynda respýblıkalyq týrnır aıaqtaldy. Bul týraly QazAqparat habarlaıdy oblystyq dene shynyqtyrý jáne sport basqarmasyna silteme jasap.
Bıyl tórtinshi márte uıymdastyrylǵan týrnırge Aral, Qazaly, Jalaǵash, Jańaqorǵan aýdandarynan jáne Qarataý, Qyzylorda qalalarynan 8 komanda qatysty.
Maqsaty - balalar men jasóspirimder arasynda fýtbol oıynyn damytý, olardyń sportpen turaqty shuǵyldanýyna yqpal jasaý, salaýatty ómir saltyn nasıhattaý, Á.Qalymbetovty eske alyp, ulyqtaý.
Jarys nátıjesinde Qyzylorda qalasy «Qaısar» fýtbol ortalyǵynyń komandasy kósh bastasa, ekinshi oryndy Qarataý qalasy, úshinshi oryndy oblystyq mamandandyrylǵan balalar-jasóspirimderdiń fýtbol jónindegi № 6 sport mektebi ıelendi.
«Úzdik qaqpashy» - Erhan Sultanbek (Jalaǵash)
«Úzdik qorǵaýshy» - Nurıslam Begaly (Qyzylorda q.)
«Úzdik jartylaı qorǵaýshy» - Nurbolat Ertas (Jańaqorǵan)
«Úzdik shabýylshy» - Nurzát Maqsatuly («Qaısar» FO)
«Úzdik oıynshy» - Damır Jambyluly (Qarataý q.)
«Úzdik oıynshy» nomınatsııasynyń ıegeri D.Jambylulyna Á.Qalymbetovtyń jubaıy Dana Abylaıqyzy óziniń arnaıy syılyǵyn tabystady.
Jeńimpaz jáne júldeger komandalarǵa dıplom, medal, kýboktar tabystalsa, nomınatsııa ıegerleri dıplom, estelik syılyqtarmen marapattaldy.
