Qyzylordada «Abaı» operasy tuńǵysh ret sahnalandy
Atalǵan shara qazaqtyń bas aqyny Abaıdyń 175 jyldyǵyna arnaldy. Qazaq óneriniń belgili tulǵalary Ahmet Jubanov pen Latıf Hamıdıdiń «Abaı» operasynyń tusaýkeseri onlaın túrde ótkizildi.
Operanyń qoıýshy rejısseri - Shymkent qalalyq opera jáne balet teatrynyń rejısseri ári solısi Qaırat Qulynshaqov. Basty roldi oblystyq fılarmonııa ánshisi Aıdos Imanjapparov somdady.
«Qoıylymda oblystyq fılarmonııanyń, N.Bekejanov atyndaǵy qazaq akademııalyq mýzykalyq drama teatrynyń ártisteri, kameralyq orkestr ónerpazdary qatysty. Sondaı-aq, onda «Tomırıs» bı ansambli, Qazanǵap atyndaǵy Qyzylorda mýzykalyq joǵary kolledjiniń «Án salý» bóliminiń stýdentteri men aralas hor ujymynan quralǵan 100-den asa ónerpaz óner kórsetti», - dedi Qyzylorda oblystyq mádenıet basqarmasynyń mamandary.
Qoıylym oblystyq fılarmonııasynyń kameralyq orkestriniń súıemeldeýimen ótti. Dırıjeri «Mádenıet qaıratkeri» tósbelgisiniń, «Qurmet» ordeniniń ıegeri Keýlimjaı Botabaev.
Sondaı-aq, Qyzylordada 2023 jylǵa deıingi ekonomıkalyq damý jospary júzege asyrylýda.
