Qyzylordada abaqtyǵa 200 dana tramadol alyp kirmek bolǵan kásipker ustaldy

QYZYLORDA. QazAqparat – Qyzylordada túzeý mekemesine 200 dana tramadol alyp kirmek bolǵan kásipker ustaldy, dep habarlaıdy QazAqparat tilshisi.

Qyzylorda oblysy boıynsha qylmystyq-atqarý júıesi departamentiniń №60 memlekettik mekemesiniń óndiristik aımaǵyna ótý maqsatynda kelgen jumys berýshini mekeme qyzmetkerleri jeke tekserý barysynda qos aıaq kıiminiń ishinen belgisiz zat tabyldy.

«Oqıǵa mekeme basshysyna baıandalyp, Qyzylorda qalalyq polıtsııa basqarmasynyń jedel tergeý toby shaqyryldy. Kásipkerden tabylǵan zat aq tústi polıetılen paketke oralǵan 200 dana tramadol ekeni anyqtaldy. Atalǵan derekke qatysty QR Qylmystyq kodeksi 297-babynyń 1-bóligimen sotqa deıingi tergep-tekserý jumystary júrgizilip jatyp», - dep málim etti Qyzylorda oblysy boıynsha qylmystyq-atqarý júıesi departamentinen.