Qyzylordada 900 gramm salmaqta dúnıege kelgen náreste úıine shyǵaryldy
Bıyl 28 naýryzda Qyzylorda qalasynyń 22 jastaǵy turǵyny Móldir Jubanııazova oblystyq perınataldyq ortalyǵynda júktiliktiń 27-shi aptasy merziminde sharanany dúnıege alyp keldi. Náresteniń salmaǵy 900 grammdy qurasa, boıy 30 santımetrdi shamalady.
«Oblystyq perınataldyq ortalyq mamandary náresteler reanımatsııasy jáne qarqyndy terapııa bólimshesinde sábıge erekshe kútim jasady. Oǵan sapaly emdeý jasap, uzaq ýaqyt boıy baqylaýdy júrgizdi. Nátıjesinde sábı 27-shi táýlikte náresteler patologııasy bólimshesine aýystyryldy. Onda asa uqyptylyqpen kútim jasalyp, sapaly emi júrgizý jalǵasty. Ómirge kelgenine shamamen 2 aı ótkende, 58-shi táýlikte aman-esen anasymen úıine shyǵaryldy, Sábıdiń salmaǵy 2 kelini qurady», - dep málim etti Qyzylorda oblystyq densaýlyq saqtaý basqarmasynan.
Oblystyq perınataldyq ortalyǵynda jyl basynan beri 275 sábı merziminen buryn ómirge keldi. Ortalyq shala týǵan sábılerdi kútýge, ońaltýǵa qajetti jabdyqtardyń barlyǵymen tolyq qamtylǵan.
Eske salsaq, budan buryn «Ańsaǵan sábı» baǵdarlamasy aıasynda Qyzylordada úshem dúnıege keldi.
